Ozze Bart11-07-2018 21:54:36

Mit pien in zien hart en dat van os allemoal haet Bart os vandaag loate weite dat hae, es gevolg van zien sjtömbenjprobleme, haet motte besjloete om te sjtoppe mit zenge. Zwoa kump dr opens noa 15!!! joar un einde aan ozze vaste frontman. Gezondsjheid geit altied boave de band dus veer sjnappe Bart jel good en zin dankbaar veur ziene inzat al die joare. Om ozze fans (LOL) neet te loate zitte, deit hae waal nog un paar nummers mit op IN TOOM 2018. Ut festival wo ut veur Bart bie os allemoal begoos is. Bartje jel erg bedank, ver goan dich hie bie os oppe buun misse!!!



20 Joar KP!!!28-09-2016 08:53:01

Tis neet te geleuve, mer KONSTEPAASJE besjteit 20 JOAR!!!
Om dat te viere höbbe ver un wiekend volgeboek:
vr. 11-11-2016 - 20 joar KP @ café A Genne Komm te Eygelshoven / Eygelse
za. 12-11-2016 - 20 joar KP @ café De Reunie te Geleen/Gelaen
zo. 13-11-2016 - 20 joar KP @ kleine zaal Volt te Sittard/Zitterd
Es extra omdat ver al zwoa lang herrie make, is ut tijdes os optraeje HAPPY HOUR en krit ger 2 consumpties (beer/frisj) veur de pries van 1!!!



Update Roy21-09-2016 21:15:34

Ut zuut d'r noa oet dat ozze Roy de res van ut joar neet mjer op zien drumkrök kent goan zitte. Neet omdat hae mega grwoate aambeije zow höbbe,...mer omdat hae un klaplong haet, in ut ziekehoes ligk en meugelök ge-opereerd mot waere. Doarom höbbe ver os spesjaal bandlid Robert weer es gevroag of hae de kommende 6!!!! optraejes kent en wilt oethelpe. Hae hoofde gein moment noa te denke. Hej hae mesjien waal baeter ff kenne doon ;) Dus ver hove de aankommende optraejes neet ouch nog aaf te zegke. TNX Ro(y)bert!!! Kent 'r al ozze nuuj nummers goan oefene :)



FUCK FUCK FUCK FUCK FUCK15-09-2016 23:03:21

Höb ver noa 20 joar KP eindelök un oetverkochte lokaasje wo veer sjpele, höbbe ver vanwege gezondheidsprobleme van eine van os ut optraeje van mörrige mit de BELGIAN ASOCIALITY in Buchte motte aafzegke :( :( :( Tis GVD versjrikkelök bale veur os allemoal. Baetersjap en tosse sjnel weer mit kens doon mie jong! In ut geval dat ut langer geit doere dan verwach, veur os optraeje op 13 TIMES fest in Geel (BE) höbbe ver al unne tiedelökke vervanger dae 1,5 moandsj de tied haet alle nummers onger de kneej te kriege...



16 september is oetverkoch!04-09-2016 22:50:16

Beste herrie-vrunj, es geer nog gein ticket höb veur os optraeje mit de Belgian Asociality in Buchte dan motte ver uch teleursjtelle: ut is namelök kompleet OETVERKOCH!!!!



Mörge geit NEET door02-04-2016 11:25:43

Beste vrunj, os optraeje van mörrige in Tegele kent helaas neet doorgoan. Reej: ozze Bart haet zich un longontsjtaeking op de hals gehoald... Ver goan kieke of ver in Tegele unne nuuje datum kenne kriege. Geit good komme :)



Supporting RICHIE RAMONE31-01-2016 23:39:46

Hejje ver doa un sjiek aanbod gekrege om ut veurprogramma te moage doon van nemes minder es RICHIE RAMONE (Drummer van The Ramones 1983-1987), geit ut fjeske helaas neet door. Dat is flink bale, mer is neet angesj, helaas...



9 nuuj live vids06-01-2016 23:59:00

Ver sjrieve neet vaak mjer get van nuuts of zwoa, gewoon omdat ver doa eigelök te lui veur zin. Mer ver wille uch toch effe loate weite dat ver 9 nuuj live video-opnames oppe saajt höbbe gezat. Dank aan diegene die de opnames gemaak höbbe. Kiek mer es (via optraejes/video's)...



optraeje van 21 mjert09-03-2015 08:35:59

Leef luuj, os optraeje van 21 mjert @ De Reunie in Gelaen geit noa alle waarsjienlökheid verplaats waere noa 18 april. Es de nuuje datum vas sjteit loate ver ut uch natuurlök zwoa sjnel meugelök weite...



1e illegale vid-opname In Toom14-12-2014 10:19:19




IN TOOM 201429-11-2014 10:58:09




Vasteloavend in Zitterd28-02-2014 15:15:53

klik hie dan kense live de mert van Zitterd bekieke :)
Unne gooje Vasteloavend jederein!!!



Voila, de poster25-11-2013 21:29:35




In Toom 201302-11-2013 16:26:04

Leef luuj, hout uch vas, hout uch vas,....ouch dit joar wederom unne IN TOOM en dus sjpeelt KP dan ouch weer!!! Adel verpflichtet neet woar? How hunne websaajt mer in de gate veur updeets en angesj dae van os want es veer mjer wete dan sjteit ut metein onlaajn, gnagna...



Optraeje mit Torpedo's (pt2)09-04-2013 19:25:15

Os optraeje mit The Torpedo's geit de 18e mei neet door want Mr D's (baeter bekend es café De Max) haet deze datum döbbel geboek....Dennis, Dennis, Dennis toch.....;) Zwoa sjnel es ver unne nuuje datum benne kriege, loate ver ut uch metein weer weite! Waal zow ut leuk zin es ger dan weer get mjer mit doot mit zoepe en blaere en neet zwoa passief zeet es lets in Down Town. Fjeste deisse wie de bjeste!!!!



Optraeje mit Torpedo's06-04-2013 10:53:26

UPDATE: os jets volgende optraeje, same mit The Torpedo's is verzat noa 18 mei. Dit woar veur os gaar gein probleem, dachte ver, mer noe blik dat Robert dan gaar neet in ut lentsj is en dus neet kent drumme...hmmm...vervaelend want Roy is zwoa wiet nog neet, dus geit ut fjeske waarsjienlök neet door. Zwoadra ut definitief is, loate ver uch get weite...



KP @ BUNNYPOP 2013!!!02-03-2013 11:57:34

Noa un afwezigheid van 3 joar zin ver weer truuk op BUNNYPOP.
Komp allemoal kieke en MITDOON, dan make ver d'r weer un geweldig fjèske van!!!

Dit joar is 'r ech un sjiek programma mit ozze kompane van LINKSHANGENDJ,
thrashmetal van THE QUILT PARADE en SYSTEM OVERTHROW,
SUMMERGLAU, COWBOYS FROM THE SKY, WYATT EARP & ...
NIGHTQUEEN oet Belsj.

De deure goan oape om 3 oer en KP moag om 4 oer d'n aaftrap doon!!
(houpe ver)...hahaha.

D'n entree is ouch al bekend want dae is per vandaag verljaeg noa de legendarisch ljaege pries van 3 EURO!!!
Da's is dezelfde pries es wie veer in 2004 veur de allerjetste kjer op BUNNYPOP sjtonge te blaere :)



RepHok dilemma - dl228-01-2013 17:38:26

Zwoa repeteerse joarelang bie d'n drummer in de kelder of de garaasj en dan zitse in FENIX en oeteindelök joarelang gesetteld gezaete in DOWN TOWN. Noa get jel ongelökkige en/of mega-verkjerd gekoaze weur vertrokke (en mit os jel völ anger bands) richting BRG...toen vertrok ozze drummer en goave veer os blok besjikbaar veur anger bands (sosjaal neet?). Vervolges weer 'ne nuuje drummer gevonge en zoate ver zonger rephok...ongerdaak gevonge bie DE MAX, dae ging mit mini-fajjiesement en koos ver mit spoed al ozze sjpulle weghoale en koos ver beperk weer terech bie de BRG en oeteindelök ginge die ech fajjiet... Dus...momenteel is ozze band kompleet (mit 2 optraejes veur de boeg) mer zonger repetiesjehok. Ver höbbe op ut moment 2 opsies mer... (weurt vervolg)



Backline In Toom23-11-2012 14:23:11

Ouch dit joar haet KP te kenne gegaeve aan de organizaasje van In Toom dat ozze backline (1 bas- & 2 gitaarcabinette, excl. drumkit!!!) besjikbaar is veur alle bands op allebei de daag (vriedig en zoaterdig dus) MITS In Toom bevestig aansjprakelök te zin veur eventuwele sjaaj en of diefstal van ozze sjpulle. Es men dat neet wilt dan zulle alle bands al hun eige sjpulle mit motte numme of un anger band mot hun sjpulle besjikbaar wille sjtelle. Ver zin benuut of ver nog bie tieds get te werre kriege van de organizaasje...



RepHok dilemma opgelos23-11-2012 14:12:15

Op FB hejje ver ut uch al mitgedeild mer oppe offisjeele website nog neet, vandaar noe ff unne update (and beyond gnagna). Plots wore veer aafgeloupe zondig gebeld dat veer ozze sjpulle oet os vrie nuuj repetiesjeruimte meuste hoale vanwege enkele perikele ter plekke. Zwoa gezag, zwoa gedoan. Jupke en Jo alles weggehoald. Mer toen zoate ver dus zonger repruimte en IN TOOM kump 'r aan en doa höbbe ver zwoa wie 't ger wet ozze ROBERT ingehuurd want ozze sjpiksjplinternuuje drummer ROY is nog neet zwoa wiet dat hae mit KP oppe buun kent kroepe. Dat dus op FB vermeld en voila, veer repeteere alweer sins aafgeloupe goonsdig bie de BRG. KP is dus weer (tijdelök) truuk op ut nes...en de Malt 0.0% sjteit vanaaf noe ouch weer de facto default koud bie os Gabi.



Update In Toom Kaertsjes23-11-2012 00:11:48

Ger kent veur beide daag losse kaertsjes koupe à € 3,- per sjtök, mer es ger toch vanplan zeet om 2 daag achterein doa heen te goan dan kent ger ouch unne passepartout koupe want dae kes mer € 5,- (kent ger weer un drenkske extra nuttige :) Veer zeen os!



Kaertjes In Toom15-11-2012 14:54:05

Beste vrunj (M/V), wilt ger d'r zeker van zeen dat geer un kaertje höb van IN TOOM veur beide daag of allein de zoaterdig (want dan sjpeelt KP), dan kent ger dat hie bie os besjtelle!!! Meel dan dien unieke kenmerke (naam etc) noa konstepaasje@gmail.com ovv Besjtelling kaertje(s) veur IN TOOM 2012. Ut Dream Team :)



1e In Toom Repetiesje24-10-2012 23:12:35

Vandaag de 1e repetiesje mit ozze drummer van ut 1e oer Robert gehad. 't Woar net es of hae nwoats is weggewaes. Super! De power woar weer gans truuk, nix te mirrikke van de sleur en ellende van 2012 wo KP zich doorheen haet motte vringe mit alle gevolge van dien. Nae, ech ut woar ech ruig. Robert, dae al joare neet mjer gedrump haet, dae zelfs gaar gein drumkit mjer bezit, dae dus al 8 joar neet mjer de nummers van KP haet gedrump, hoofde bie alle nummers mer kort te sjakele en dao woare de nummers weer truuk. Zelfs nummers die veer allemoal al sins ut aafsjiet van Robert 8 joar geleeje, nwoats mjer gesjpeeld en zelfs neet mjer gerepeteerd hejje, ginge zwoa good es of ze nog in al ozze optraejes door de speakers knalle! In Toom, ger zeet gewaarsjuut!!!



Repetiesje-update11-09-2012 02:57:02

Jep vandaag is definitief bevestig dat KP vanaaf oktwoaber kent repeteere oppe nuuje lokaasje in Gelaen. Ozze nuuje drummer kent dan eindelök langzaam aan es ingewirrik waere... Veer höbbe d'r zin in!!!



Nuuje repetiesjeruimte?01-09-2012 18:59:21

Gister un leuk aanbod gekrege. Meugelök dat ver noe de band weer kompleet is ouch weer un repetiesjeruimte höbbe. Ver goan de (on)meugelökhede nog ff mit zien alle besjpraeke en dan houp ich dat ver sjnel weer aan de sjlaag kenne. Völ zin om eindelök weer es gans nuuj nummers te goan maake. Unne frisje herstart???????



Nuuje Drummer Gevonge!!!17-08-2012 17:13:51

Tis neet te geleujve, mer ver höbbe al emes bereid gevonge om bie os te komme drumme. Zal waal ff un tiedje doere jer 'r kloargesjteujmp is,... mer what the hell!!! Zoepe kent 'r in eder geval ouch dus hae pas perfek bie KP. Dat drumme kump later waal hahaha Bennekort zul v'r 'm introducere!!!!!!



Nuuje drummer gezoch!12-08-2012 19:12:44

Jonges en leef maedsjes, helaas zitte ver noe dan toch ech zonger drummer en zin ver dus bie deze op zeuk noa unne vervanger veur achter de drum plaats te numme. Loat os get weite es dich de nuuje drummer van KP wils zin! Zow waal leuk zin esse ouch nog un bitsje zos kenne drumme ;)



Wie dan ouch: toch IN TOOM!!!01-08-2012 00:48:07

Moch ozze Eddy onverhoup neet truuk wille komme es 'r weer gans tot rös is gekomme oppe kemping dan sjpele ver dit joar toch op IN TOOM (al is ut os allerletste optraeje!!!). Ozze veurmalige drummer Robert haet vandaag te kenne gegaeve dat hae os dat neet aan os naas veurbie kent en wilt loate goan. Dus aan de organizaasje van IN TOOM ut advies om ouch dit joar weer völ BRANDs BEER in te sjloan!!!



Geine dummer mjer?14-06-2012 19:30:11

Helaas haet ozze Eddy omwille van get interne sjtrubbelinge ut bielke d'r bie neergegwoajd. Hae haet al op FB openbaar gemaak bie KP gesjtop te zeen. Of dit noe ech definitief is houpe veer veuralsnog van neet en komme hie te ziener tied nog op truuk..



Toch gein KIKA-benefiet12-06-2012 12:15:07

Ondanks alle gooj bedoelinge van jederein in kwestie bliek ut de organizaasje neet te lökke om ut geplende KIKA-fes te realizeere. Tries en jammer mer woar. Houpelök lök ut un volgende benefietinstansie waal...



Vriedig oppe tied zin!!!31-05-2012 00:27:51

Dageraad sjtong vriedig ingepland om te öpene, gevolg door Linkshangendj en dan KP om aaf te sjleete. Mer aangezeen Dageraad neet wilt öpene en ut os neet interesseert wie laat veer sjpele, höbbe ver besjloate om dan mer zelf es öpener te fungeere! Dit beteikent waal dat geer allemoal op tied doa mot zin want de deure goan al om 7 oer oape en KP begint al 30 minute later (om hoaf 8 dus)!!!



MYSPACE26-05-2012 16:03:27

Konstepaasje heat vandaag Myspace verloate. Reej: ver dege d'r toch al jel lang geine flikker mjer mit :)



resterende 15 dames sjörts L25-05-2012 11:45:51

Leef (vrow)luuj, vandaag zin dan alsnog de ontbraekende 15 damessjörts geleverd in de moat L. Dus veer höbbe vanaaf noe net zwoa wie veur de kaels/jonges onges os ouch van alle moate voldoende sjörts veur de vrowluuj/maedsjes...
@The Curve in Ech: 1 juni here we come!!!



T-shörts zin benne!18-05-2012 15:53:53

De t-sjörts zin benne en zeen d'r good oet. Veur diegene onger uch die neet kenne wacht pes os optraeje op 1 juni in de Curve in Ech: mit 11 euro in de henj, veur de naas howwend bie eine van KP, höb ger in no time uch ekzemplaar van os nuuje sjört aan. Loat ut os mer weite... PS. ver höbbe door un produksiefout nog ff gein damessjörts van moat L. Dees moat weurt nog veur 1 juni door de leverancier bie os bezörg!!!



Nuuj T-sjörts!!!12-05-2012 11:57:50

Veer höbbe bennekort nuuj tiesjörts!!!!
En jawel ut zin NUUJ sjörts mit ouch sjtinkdeere d'r op!!!

Wilse alvas d'r veur zörrige daste eine in dien bezit kris dan kense alvas dien ekzemplaar hie bie os rezerveere. Sjik os un iemeel mit diene naam en wasse wils höbbe (jonges e/of maedsjes sjört en de gewensde moat.

Dus meel noa konstepaasje[at]gmail.com
ongerwerp: Ich mot dat nuuje KP-sjört *ICH SJTINK NEET* höbbe!!!
vermeld ouch:
- diene naam
- wievöl jonges/maedsjes sjörts en welke moate (jonges S,M,L,XL & XXL en maedsjes S,M,L & XL)

Veer sjikke nix op mit de pos dus benader os mer perseunlök dan kump alles good.
Koste? uh..... wederom mer 11 Euro!!!



Datum KIKA-fest gewijzig07-05-2012 16:29:02

Beste vrunj, veer höbbe vandaag de definitieve bevestiging gekrege dat veer mitdoon aan ut Benefiet veur KIKA. De datum sjtong i-ets gepland op 24 november mer is noe verzat noa 25 november. Dit woar ouch de oorspronkelök geplande datum van de organizaasje. Noe ut in Down Town georganizeerd kent waere is de 25e weer van toepassing. Zet deze datum in ugge agenda en sjteunt allemoal KIKA!!! Nog un klein leuk detaj is dat de naam van dit benefiet door KONSTEPAASJE is bedach :)



Veurlöjpig gein optraejes mjer22-03-2012 14:48:41

Beste vrunj, om privéredene welke veer ff veur os wille howwe zulle veer veurlöjpig gein optraejes mjer doon. Ouch sjtoan ozze repetiesjes veurlöjpig ff sjtil. De bandlede kenne ut nog ummer jel good mit mekaar venge dus... Tis aafwachte wannjer veer weer wiejer kenne goan mit os kabaal, mer maak uch neet al te ongerös: veer zulle d'r alles aan doon om in ozze huidige hoedanigheid weer truuk te kenne komme. Tis allein de vroag wannjer dat ver dat kenne goan doon...



Gein impact op angere27-02-2012 23:20:43

Nei nei, KP haet jellemoal geine invloed op anger luuj:



Waarsjuujing: 1930 kump truuk!13-01-2012 01:29:53

ff mien hart luchte :) Veur diegene onger uch die ut nog ummer neet in de gate höbbe... De politici hie in ut Rieke Weste (Lenks, Midde en Rechs, maak geine flikker oet) zin jel hel bezig os zwoa sjnel meugelök teruuk in de 1930'er joare te kriege! Maak uch mer gein illuzies: veer erm luuj waere op korte termien sjtroat erm en de rieke nog völ rieker. Heerlök: loonmatiging, ontsjlage, prieze waere duurder, alles lekker off-shoren noa lenj wie India en Egypte want dan kriege ze hun verkoupwaar veur mer 15% van de pries dae ze hier in os eige lentsj d'r veur zowwe motte betale en ut dan waal taege pries verkoupe die hie van toepassing zin (of lever nog duurder)...mer dan vroag ich mich waal aaf aan wae ze hun produkte sjtraks nog wille verkoupe es veer hie allemoal werkeloos zin en dus nix mjer te makke höbbe...Aan India verkoupe? Die kieke waal oet, die venge os produkte völ te duur...Veer wunsje al die geldwoave völ sukses mit ut krejeere van hunne eige ongergank!!! Bedank! 1930 HERE WE COME!!!



Ontwerp nuuj T-sjört08-12-2011 00:30:42

Leef luuj, veer höbbe ut nuuj ontwerp vaerdig veur un nuuj te make T-sjört! Dit ontwerp is gebazeerd op os 1e sjört, ger wet waal, dat mit ut sjtinkdeer d'r op. De aafbeelding op ut nuuje T-jört höbbe veer net es os nuuj logo (lekker gestaajld) loate make door Karin en ver motte zegke, ut is nóg sjieker es os "Lek Mich 'm Aasj" T-sjört. Mer es ger denk dat geer kommende zoaterdig op IN TOOM al dit sjört kent koupe, dan otte ver uch teleursjtelle. Ut haet nogal get veut in de aarde om un gesjikte offerte te kriege om taege unne gooje pries gooj sjörts mit kwaliteit opdrökke te loate make. Es veer dat höbbe dan kenne de sjörts gedrök waere en zin ze sjnel te kriege bie ozze optraejes. Helaas mot ger dus nog effekes wachte, mer how ut mer in de gate want ver verwachte dat ver ze sjnel allemoal kwiet zulle zin :)



Bekans 111e vr11-11-2011 23:1110-11-2011 07:59:19

Nog ein naechske sjloape leef zoeplep en dan geit KP d'r veur de 111e kjer vol taegenaan!!! Mörrige (vriedig dus) is unne mijlpoal in de gesjiedenis van ozze legendarische (of woar ut hilarische haha) band. Veer höbbe noa 15 joar os 111e optraeje sjtoan. Ouch al höbbe de mjer gerenommeerde bands onger os gein 15 joar nweddig om dat veur mekaar te kriege, d'r zin nog altied völ mjer bands die dat nwoats hoale en/of gehoald höbbe dus veer zin d'r bes grwaetsj op. Veer zin en ruuke os mörrige dus waal!!!



10 december (vervolg)07-11-2011 00:21:23

Tsja,...tis jammer, mer Konstepaasje krit ut ech neet euver hun hart om neet op IN TOOM te sjpele. Veer zin ut noa al die joare aan de IN TOOM bezeukers verplich om present te zin en jederein wederom te verblieje mit ozze muzikale kwaliteite ;)
Aangezin ver toch ouch nog es gaer in Mestreech wille sjpele zulle ver os bes doon om mit de BARROCK unne nuuje datum aafgesjproake te kriege...
Mer 10 december is dus veur uch om in ugge agenda te zette: LÖMMERICH @ Scoutinggeboe DE JELHUT.



updeet 11 november optraeje26-10-2011 23:34:15

Vandaag bevestig gekrege dat ut optraeje op 11 november in cafe DE MAX gewoon doorgeat es wie gepland mit de torpedos :)



Nachmerrie op vakanse :(26-10-2011 23:24:36

Albtraum: Verhaftung im Urlaub @ Lokalzeit Aachen



111e optraeje eine daag later?24-10-2011 23:22:29

Leef luuj, d'r is un jel onleuk verhoal os te werre gekomme dat veer veur os zulle howwe. Mer ut gevolg doavan (en ut haet jellemoal nix mit KP te make) is meugelök dat os 111e optraeje op de 11e van de 11e eine daag later geit plaatsvenge... Veer loate ut uch uiteraard op tied weite es dit inderdaad ut geval is. Veuralsnog geit alles nog gewoon es gepland door...mer how os nuuts in de gate esse neet eine daag te vreug in DE MAX noa KP wils komme kieke want dan kent ut zin daste de volgende daag weer truuk mos komme. DE MAX zal dat uiteraard gaar neet erg venge :) ...



10 december21-10-2011 17:23:03

Hoi leef luuj, KP haet op-ens un luxe probleem. Veer höbbe op 10 december un optraeje sjtoan in de BARROCK te M'STREECH en hejje teves op 17 december os joarlökse fjeske op IN TOOM in LÖMMERICH. Noe bliek vandaag dat IN TOOM un waek i-erder is, dus ouch op 10 december. Wat noe? IN TOOM of BARROCK? ;)



www.konstepaasje.nl08-10-2011 17:19:46

Jep, ger laes ut good. Aangezeen veer nog ummer gein NL-adres hejje en de meiste bandlede ut waal tied vonge om ouch net es anger bands unne normale en gemekkelökkere link noa ozze website te höbbe, vanaaf vandaag geactiveerd: www.konstepaasje.nl



8 juli in Bôr!!!22-06-2011 14:35:14

Os jets volgende optraeje is ter gelegenheid van de TRY-OUT van 2 nuuj Limburgse 046-bands die veer natuurlök van harte supporte wille.
Oet de rottende reste van Times Have Changed is weer get tot laeve gekomme (en wie!). Check de nuuje death/grind formaasie van RUNNING WITH SCISSORS mer es. Ouch nuuj op de Limburgse heuvels en dale zin de sjplinternuuj grinders die loestere noa de naam WIKSER.
Komp allemoal noa Bôr de 8e om d'r un gezellig fjeske van te make. Entree is d'r neet, wat wilt zegke dat de deure gewoon oape sjtoan en de drank is te kriege veur sjlechs eine!!!!! euro...



KP ouch op Feisboek02-06-2011 00:17:44

Daag leef luuj,
Konstepaasje haet 'r zich oeteindelök ouch mer es aan gewaag. Veer zin vanaaf noe ouch op FACEBOOK te venge. En noe allemoal os jel leuk venge doa en sjnel un bitsje ;)
Merci alvas!!!!



KP fan of toch neet?20-12-2010 11:58:55

Tsja, ver beginne d'r noe toch ech aan te twiefele of men os nog waal zwoa gaer oppe buune wilt zeen ;)
Kiekend noa deze vraeme voagel ;) mit in KP sjirt aan geuf 'r os toch te denke of 'r ut nog waal zwoa leuk vungk allemoal...Grepke tuurlök. Ger höb uch net wie os weer good geammezeerd op IN TOOM. Merci allemoal!!!!



Op noa In Toom!!!18-12-2010 17:10:14

Zwoa, ut is eindelök zwoa wiet: de daartjende ediesje van In Toom @ ut scoutinggeboe in Lömmerich. Jederein op noa de flappetapper en dan op noa In Toom wo d'r lekker BRAND's beer koud sjteit veur 'ne euro per flesjke :)
Oa joa,... veur dat v'r ut vergaete te vermelde, d'r sjpele ouch nog bands wo onger KP zelf :)
Dus...pes dalök!!!!!!



Fuck joe Kerst12-12-2010 12:05:21




In Toom Setlies ligk vas01-11-2010 23:54:33

Vandaag höb ver de setlies veur In Toom al bepaald. Veur de KP fans van de 1e joare, d'r komme un paar ow krakers truuk in ozze set de 18e december! :)



In Toom 201007-10-2010 21:17:06

Daag leef luuj,
vandaar haet os de organizaasje van IN TOOM os wederom benaderd en os gevroag of veer ouch dit joar weer wille sjpele op ut beruchte IN TOOM festival. En joa...natuurlök wille veer dat!!! Veur diegene onger uch die nog nwoats van IN TOOM gewerd höbbe en/of d'r nog nwoats gewaes zin: SJAAM UCH!!! ;). Ut sjiekste fest in de buurt, wo jederein dae zich wilt ammezeere welkom is, wo ut nog toegesjtange is om te moshe, te pogoë en te steidsjdaajve en wo ut beer oet Wielder gewoon oet de flesj gedronke kent waere. Dus zet deze datum 18-12-2010 in ugge agenda en vergaet neet om dae daag noa Lömmerich te goan/komme. Ut joarlökse fjes kent weer beginne!!!



Bejaarde rocker gevonge..03-10-2010 22:35:02

Nae ver höbbe ut neet euver FReddy :):):)



vs. The World = KREP!!!06-07-2010 15:47:42

Tja...noe höbbe ver dus eindelök ozze eksemplare van dees CD in hoes en ken ver die aan jederein verkoupe dae die wilt höbbe mer noe motte ver ff jel jerlök zin. Veer höbbe ff gezamelök geloesterd noa alle nummers die d'r op sjtoan en,....miljaar wat sjteit doa unne krep op! Ut liek waal of de bandlede van de meiste "bands" nog gein 10 joar oud zin en hun allerjetste repetiesje oats höbbe opgenomme en dat op dees CD höbbe loate zette en dat weurt door QUICKSTAR dan ouch nog es betiteld es "de beste underground punkbands van dit moment". Perseunlök veng ich naeve os eige nummer allein dat van HELLHAAK oet Duutsjlentsj sjiek! En wat al die Amerikaanse bands betruf die op dees CD sjtoan ut volgende advies: goat estebleef allemoal zwoa sjnel meugelök un vak ljerre want ger bak d'r ech jelleomal nix van!!! En es KP dit al zaet dan wilse neet weite wat de res van de waereld d'r van geit venge...
Nae, dees CD kenne ver eigelök gaar neet verkoupe...(of de mos 'm persé wille höbbe)...ok danne... de kris 'm dan waal veur nix!!!!



Hereniging van NL & Vlaandere23-06-2010 13:46:52

Gister nog get leuks op ut internet gevonge. Unne brochure wo in verteld weurt worom Nelderlentsj en Vlaandere eigelök gewoon weer motte samegoan in ein vereinigd lentsj. Esse doa in geïnteresseerd bes, kense hie klikke om deze brochure te laeze...



'vs. The World' CD te koup!!!22-06-2010 19:03:00

Eindelök! Ut haet bekans un gans joar gedoerd, mer de verzamel-CD is eindelök in os bezit. Quickstar Productions is zien aafsproak noagekomme al haet ut ff (onakseptabel) jel völ langer gedoerd. Es noe nog emes zaet dat hie in Europa alles völ te langzaam geit...kiek dan mes es wie sjnel (NOT!!!) alles in Amerika geit. Gewoon get nummers van bands aangeleverd kriege. Un CD'ke d'r van make en drökke dae hap en ver zin un joar wiejer...

Net es alle anger CD's zal de "vs. The World" verz-CD te kriege zin tijdes ozze optraejes, mer esse doa neet op wils wachte kense os persoonlök om dees CD vroage. Ouch is 'r altied waal emes van os aanwezig in Down Town dus...
Vroag os om dees letste nuuj verzamel-CD!!!



28-07-2009 pes 22-06-201022-06-2010 17:14:42

Raar ongerwerp zult ger waal denke, mer waarsjienlök motte ver ut veurige nuutsberich rectificere... Ver höbbe vandaag un berich in de breevebösj gevonge dat de posbode get haet wille aaflevere en es afzender sjteit vermeld: QUICKSTAR.
Ut zal toch neet woar zin hè, dat ver noa bekans 11 moandsj wachte eindelök ozze CD's van "vs. The World" goan ontvange :)...
Vol verwachting zitte ver hie noe te wachte pes dat de posbode weer truuk kump...wachte...wachte...wachte...



Quickstar Productions bedrog?20-06-2010 23:31:50

Tja..noa ongevjer un joar wachte op de verzamel-CD's krieg veer noe zelfs gaar gein rejaksie mjer op ozze iemeels wo in ver vroage wannjer ozze CD's eindelök es unne kjer goan komme. Dit klink os bie deze dus es klink kloar bedrog in de oarre.

Well, after about one year of waiting for our CD copies of the compilation called "vs. the World", we don't even get any respons anymore on our e-mails in which we ask for a date to receive them. To us this now really appears to be a big fraud.

DON'T DO BUSINESS WITH QUICKSTAR PRODUCTIONS!!!



De Limburg Charter07-06-2010 11:59:20

Klik hie om ut offisjeel ongertaekende dokument "De Limburg Charter" te laeze. Hie in sjteit wat beide Limburge wille doon om korter bie-ein te komme. LIMBURG UNITE!!!



Hanekamp make?26-04-2010 13:53:04




RIP Danny Mommers20-04-2010 13:41:40

Ozze vruntsj Danny Mommers haet os op 37 joarige laeftied helaas motte verloate.
Mi€mi€, ver goan dich misse!!!



Ut verhoal geit vrolök wiejer17-04-2010 12:03:35

Houpelök kump ut oats nog good mit os verzamelaerke...
Quote van Quickstar Production: "Thank you so much for your patience, we appreciate you bearing with us as we work through these delays. Unfortunately, we had some quality issues with the plant we had been using, so to provide you with the best CDs possible, we had to change who would be doing the pressing. As a result we had to reformat the graphics, this caused several delays, and again we apologize. But now everything is back on track and the CDs should be shipped before the end of the month. We will be in touch soon to verify your shipping information."
Net es al die anger bands die op dees CD zowwe sjtoan, beginne veer os langzaamaan un bitsje ongerös te make of os cente die ver in dees CD gesjtoake höbbe waal good terech zin gekomme en neet in ein of anger insjtelling die onger ut mom van un aantal interessante leefdadigheidsaksies bands afhandig wilt make van die paar cente die die nog höbbe...



105 optraejes achter os05-04-2010 01:37:41

Ut is sjtiekem aan os veurbie gegange mer veer höbbe al un tiedsje geleeje os 100ste optraeje gehad. Sjtom dat os dat neet is opgevalle want dat is toch ech waal un vermelding waert. Neet jeder band krit dat namelök veur mekaar. Mer veer, zwoa sjtiefköppig es veer zin weite van gein ophowwe en goan gewoon vrolök wiejer...
Op noa de volgende 100!!! LOL



Op noa Haerle02-04-2010 17:43:02

Jonges en maedsjes,
veer goan os opmake veur Haerle! Doot geer dat ouch dan zeen veer os doa vanoavend. Ich höb gewerd dat ut beer good koud sjteit ;) en dat 'r genog lawaaj gemaak kent waere. PS. veur de paffers onger uch: d'r moag noa hartelus gezjwaamp waere...kuchkuchkuch.
Op noa de Geersjtroat 4....



Nuuje drummer veur KP?02-04-2010 11:27:57

Noa lenks en rechs geruchte te werre euver dat de bandlede van KP toch langzaamaan ech te oud waere veur deze onzin, höbbe ver besjloate om ozze drummer te vervange door unne get jongere variejant ;) "FReddy Mini" is mit lof door de seleksie heengekomme. Kiek mer noa zien act:



De Plu II22-03-2010 01:17:46

Jea joa, wat wille ver...
Ver begooste ut kraakpandsj in Purksjtad en diens bewoners al te misse... Ut beer kloek good e'weg en d'r zin ouch nog vrowluuj mit rökskes aan. Doa kenne veer (die door sommige luuj in ut publiek waere aangezeen veur ow buule van minstes 50 joar oud) neet taege op. Veer kenne neet angesj en jel sjnel weer truuk goan en weer kaetele herrie produceere doa op hun podium. Leuk.
Veer höbbe d'r noe alweer zin in.



KP öpent mörrige in Haerle14-03-2010 23:32:24

Veur diegeene die nwoats urges op tied komme. Zet de wekker esse KP neet wils misse want veer numme mörrige d'n aaftrap in Haerle en beginne dus al om ach oer!!! Bes op tied want veer goan zwoa wie altied wie unne sjneltrein door ozze set heen. Pes mörrige, moandig 15 mjert 8 oer 's oaves!!! Grrr. KP



Eindelök weer un optraeje01-03-2010 21:35:49

Ut wilt op ut moment neet ech vlotte mit de optraejes van KP, mer dankzij ozze vrunj van RAFFNIX höbbe veer de 15e (moandig euver 2 waeke) os 1e optraeje in De Plu in Haerle same mit RAFFNIX natuurlök, SUIT SIDE VS. VEDA PLIGHT (Luik, BE) en DANCE OR DIE (HO). Dus es geer dae moandig nix zinnigs te doon höb en geer daensdig neet nuchter op ut werk of op sjwoal mot zeen, komp dan allemoal gezellig noa Haerle!!!



VS. THE WORLD (VOL.5) UPDATE26-11-2009 18:00:42

Quote: "The cd is moving into pressing as we speak, pressing takes about one month to complete but due to the time of year it might take longer."
Dit beteikent dus dat veer op In Toom dees verzamel-CD nog neet in os bezit höbbe. Helaas...



UNRELEASED LAAJF MATTERIEJAAL25-11-2009 00:49:49

Es 'r belangsjtelling is veur oud nog nwoats iërder oetgebrach matteriejaal oet de owwe dwoas,dan höbbe veer nog 't volgende oppe plenk ligke (gein idee wat de geluidskwaliteit is): Live in De Schuur 11-02-1997, Live in The Curve 15-02-1998, Live in Fenix 19-03-1998, Live in de Bartok 06-09-1998, Live in Fenix 09-05-1999, In Toom 1999, Live in Fenix 16-06-2000, Live in De Franse Bulldog 14-03-2003 en In Toom 2003.
Meel os mer es ger get wilt höbbe en veer zette 't uch waal op 'n CDR...



SATANKLAAS HUH?24-11-2009 13:47:44

Haha, dit vonge veer waal leuk dus bie deze. Henk Westbroek, Goddes of Desire en NGM presentere: SATANKLAAS



DE POSTER!!!10-11-2009 20:16:28




TOCH WEER UNNE IN TOOM!15-10-2009 23:25:06

Ut gooje nuuts werde ver aafgeloupe moandig van ozze Bartje dae lenks en rechs nog enige konneksies haet mit de scouting van Lömmerich en dus In Toom. Noadat veurig joar door de scouting ut bielke d'r bie neer gegwoajd woor en veer zelf (KP) same mit Times Have Changed d'r toch nog veur gezörrig höbbe dat 'r un 11e Ediesje koam (welliswaar besjloate want d'r woare dus koam vriewilligers) koam ut nuuts es un echte verrassing. Dit joar kump dus toch de 12e Ediesje van In Toom d'r aan: 12 Joar In Toom op de 12e van december!!! Wie toepasselök... Noadat völ luuj veurig joar neet zin kenne komme, goan ver d'r van oet dat dat dit joar ruimsjoots goodgemaak geit waere. Houpelök höbbe ze genog beerrrrrrrrrrrr.......



SJPELE!!!!!21-09-2009 21:41:39

Beste luuj, KP wilt altied waal sjpele. Zet gewoon ff un kretsje beer (BRAND's es ut mögelök is) oppe buun en veer doon mit. Mjer es get drank (beer & frisj) is neet nweddig om os te booke veur un optraeje in un kefee, zaal of gewoon op un fjeske :)
Zwoa es get ut mer wet!
Grrr. KP



NUUJ GASTEBOOK17-09-2009 16:49:32

Beste luuj, noa 13 joar höbbe ver eindelök un eige gastebook zonger reklaam van allerlei vraeme sjit. Loat gerös un berichske achter...



VS THE WORLD V.5 TRACK LIST26-08-2009 23:52:31

UPDATE: the cd has finished in mastering.
Van Konstepaasje sjteit oppe CD:
"Ich zeen dien sjtring"



VS. THE WORLD COMP-CD05-08-2009 01:02:11

Mjer info euver deze kompilaasje-CD: de release van deze CD weurt verwach eind herfs dit joar (november/december). Ver houte uch op de wechte!



KP OP VERZCD “VS. THE WORLD”28-07-2009 20:51:59

ingekort citaat: “Vs. the World” is a CD designed to raise money and awareness for the issue of climate change through partnerships with the Go Green Initiative and A Brighter Planet. Keeping with the spirit of helping our environment this will be a green CD. It will be printed on recycled paper with natural inks. Money raised from this CD will be donated to charities like the Go Green Initiative, as well as organizations like Brighter Planet who help lower the carbon footprint of corporations and individuals. On top of their financial contributions, Quickstar Productions believes in helping to raise awareness and continuing education on important environmental issues like climate change. We really want this CD to make a difference to our planet, but we also want it to be advantageous to the artists on it as well. Therefore we have designed a complete marketing plan for the CD. “Vs. The World” will be marketed and made available in the following ways: 1. PHYSICAL SALES: bands receive their copies of the CD to sell. 2. DIGITAL SALES: The compilation will be made available for sale in all digital stores including iTunes, Rhapsody, Wal-Mart, Napster, and Amazon. 3. EXPOSURE: The CD will be sent to record labels, marketing, and management firms. In addition, free promo copies will be handed out at concerts in the Baltimore/Washington area. Quickstar Productions will also promote the album through the use of MySpace. 4. RADIO: The CD will be sent to college and internet radio stations and be featured on various podcasts throughout the world. 5. NETWORKING: Developing a network with other musicians is key to one’s success. This comp CD is a chance to do so.



BIERFEST AAFGELOUPE13-07-2009 01:41:35

Zwoa dat höbbe ver weer good euverlaef. Jel völ beer en genog zjweit oet ozze goddelökke lichame gevronge, via de porieje en de wc... Allein jammer dat veer es öpener gepland sjtonge en ut dus nog neet drök woar. Mer toch woar ut unne gesjlaagde oavend!



BIERFEST IV KUMP 'R AAN!22-06-2009 14:28:12




BÖSJKE IS GEWAES26-04-2009 16:19:44

De bösj van aafgeloupe vriedig haet os oetsjtepke noa lentsjgraaf euverlaef. Ut beer haet riekelök gevloejd en dus zin veer weer kontent. Blwoate lichaamsdeile van luuj die ver eigelök gaar neet wolle zeen, woare tijdes os optraeje weer in volle ornaat zichbaar... Rafnix bedank ;)



24 APRIL BÖSJREIS03-04-2009 19:51:03

Yep, ut is weer zwoa wiet; veer goan weer mit de bösj noa Lentsjgraaf. Same mit Times Have Changed regele veer weer un bösj en geer kent allemoal mit (vol=vol natuurlök). Gaef uch ff op dan noteere veer uch vas (naam, email/telefoon). Aanmelde kent ger via os emailadres (kiek mer in ut menu onger "kontak") of os ff belle (nummer sjteit oppe zelfde plaats). Ger waert net es de veurige kjer opgehoald in Down Town (Eisenhowersjtroat 724 Lömmerichterveld - Zitterd) en noa ut optraeje van alle bands weer hie truukgebrach. Dit alles incl entree en eine gratis pils/cola veur €15,- ....



BUNNYPOP 200913-03-2009 13:52:47

Jaaaaaaaaaaaa!!!!!!! Eindelök.....noa 5 joar truuk op bunnypop. In 2004 höbbe veer op de allerjetste bunnypop gesjpeeld en dat kenne ver noe noa 5 joar nog es dunnekes euverdoon. Dus sjtrief ut in ugge agenda: ZONDIG 12 april in JC Down Town te Lömmerichterveld in Zitterd: BUNNYPOP 2009



MANSLUUJZITTING AELSE01-02-2009 17:56:16




OZZE TRÖTTRUT28-01-2009 23:38:51

Deep bedroef haet ozze tröttrut os vandaag mitgedeild dat ze os geit verloate. Neet zwoa mer verloate,..ze geit same mit höre vruntsj Nederlendsj verloate. Ze goan de kommende joare in Thailendsj wone. Om ut mit hör eige weur te zegke: "Lekker! Nwoats mjer koud!!!!". Veer venge ut natuurlök jel jammer want ze pasde good in de band. Koos net es os zonger beer neet sjpele... (esof veer dat mit beer waal kenne...). Bie deze alvas völ plezeer doa in de trope en dich neet vergriepe in eine van de honderde rondsjlingerende ape mer pak Randy mer get vaker ;) KP



FOTO'S BESJLOATE IN TOOM 200822-12-2008 00:05:26

De foto's van de Besjloate In Toom 2008 zin d'r. Klik hie esse ze wils zeen. Veer wille alle luuj van de organiezaasje nog es extra bedanke dat ze deze (waarsjienlök letste) In Toom toch nog meugelök höbbe weite te make... 11 Joar In Toom is toch ech waal un ganse prestaasie. Petje af. Jammer dat ut zien einde bereik haet (of toch neet???)...



NOE ZOATERDIG18-12-2008 10:22:22

Letste kans!
Esse dich nog neet höbs aangemeld (via meel) dan kense dat noe nog doon. Veur zoaterdig motte ver alle name aan In Toom doorgaeve. Dus höbse zin in un fjeske mit KP en/of es kieke wie Times Have Changed ut noa 2,5 joar oppe buun deit dan wetse noe wasse mos doon.
Pes zoaterdag danne...!!!



TOURINGCAR09-12-2008 07:27:21

In april 2009 goan Times Have Changed en Konstepaasje weer same mit un touringcar noa Landgraaf. Dus es geer wederom mit wilt en dus vanoet Zitterd gebrach en weer opgehoald wilt waere en in de tössjetied ongesjtwerd wilt kenne zoepe dan kent geer sjtraks weer bösj-/entreekaertsjes koupe.
Mjer info volg...



ABSINTERKLAAS05-12-2008 14:49:22

Letste update: KP sjpeet mörrige es 1e!!! Dus bes op tied doa angesj is ut fjeske veurbie en höbse alles gemis... ;) och joa...KP begint om 22:00 oer



POSTER VAN 6 DECEMBER04-12-2008 23:51:01

Eindelök de poster van de Absinterklaas gekrege. Wilse 'm zeen? Klik dan hie.
Dus pes zoaterdig in Haerle!!!



FR EDDY 200901-12-2008 23:40:08

Ozze Eddy haet os loate weite dat ut veur höm dit joar mit KP en drumme nix mjer weurt. Volgend joar is 'r weer van de partie en geit 'r ziene achterstendsj inhoale.
Veer, de res van de bende zin al op zeuk noa baetere oardöpkes...
Veur de res van 2008 huijt Robert os waal doaf. Dus 6 december op de Absitherklaaspartie zult geer Robert weer zeen meppe!



TROMMELDETROMTOMTOM17-11-2008 08:28:14

Aafgeloupe zoaterdig haet Robert os good oet de brand geholpe...Ut woar onvergaetelök wie de beruchte gaste van RAFFNIX höm op ut podium euverveele. De ganse drumkit vloag alle kenj op...Klasse!
6 december zal Robert weer van de partie zeen en ouch Eddy geit dan weer es un poging wage en kieke of 'r weer get kent doon mit zien hentsj.



REPETIESJES MIT ROBERT12-11-2008 23:34:00

Zwoa, ver höbbe gelökkig 3 kjer mit Robert kenne repeteere veurdat ver zoaterdig oppe buun sjtoan mit unne angere drummer es Eddy. Ut woar waal effe nweddig aangezeen Robert toch un gans angere invölling geuf aan de drumpartieje.
Doa meus veer toch noa 5 joar(?) mit Eddy weer effe aan wenne mer ut zuut 'r noa oet dat dat good geit komme... mit un bitsje gelök ;)
Ver goan d'r in eder geval weer un fjeske van make!!!



BENEFIET 15 NOV @ DOWN TOWN11-11-2008 10:40:46

Veur diegene die de meel van Eddy neet gans begrepe höbbe:
KONSTEPAASJE sjpeelt WAAL op ut Benefiet Fest. Ozze Eddy is veur dit optraeje vervange door "ozze" owwe drummer Robert!

Pes de 15e dus!!!



IN TOOM 200808-11-2008 23:33:11

Beste luuj, helaas geit In Toom dit joar neet door!!! Geer zult dus ouch nix van posters etc taegekomme. Mer d'r zin geruchte...



EDDY NOG UMMER KREUPEL08-11-2008 15:45:28

Luujkes, veur diegene die de 15e van plan zin om noa Down Town te komme: ozze trommelaer is nog ummer zjwoar gewondsj en kent neet drumme. Mer neet getreurd want KP sjpeelt dae daag toch! En wie kent dat zult geer uch dan noe waal aafvroage? Now dat zit zwoa: ouch al is ozze owwe drummer d'r joare geleeje mit gekap, toch vunk 'r ut nog ummer leuk es veer 'm af en toe es vroage om os oet te helpe. Now, dit is dan duudelök zwoan moment en hae hoofde d'r gaar neet euver noa te denke en zei metein: "Joa is good, dat doon ich!" Doarom zin v'r ouch op dit moment nog ff sjnel mit huim de nummers aan ut doornumme (repeteere dus). Dat beteikent dan waal dat d'r völ owwe nummers aan bod zulle komme want de letste reeks kabaal van KP kent hae neet. Dus veur de nostalgiese fans: KP oud is weer es oppe buun!!! 15-11-2008 @ Down Town (BENEFIET veur "Ut Attejlee", un wirrikplaats veur gehendikepte in Baek!!!) Dus komp allemoal noa DT en sjteun dees aksie!!!!